Հայաստանի Հանրապետության Նախագահ Սերժ Սարգսյանը ԱՄՆ Նախագահ Բարաք Օբամայի հետ քննարկել է հայ­ ամերիկյան հարաբերությունների, Լեռնային Ղարաբաղի հակամարտության հետ կապված և երկկողմ հետաքրքրություն ներկայացնող այլ հարցեր:

Այս մասին ՀՀԿ գործադիր մարմնի նիստից հետո լրագրողների հետ հանդիպմանը նշեց ՀՀԿ խոսնակ, ԱԺ փոխնախագահ էդուարդ Շարմազանովը՝ պատասխանելով հարցին, թե ինչ հարցեր են քննարկել ՀՀ և ԱՄՆ նախագահները Նյու Յորքում կայացած կարճ հանդիպման ժամանակ:

«Տեղի է ունեցել կարճատև հանդիպում, որի ընթացքում քննարկվել են հայ­ամերիկյան հարաբերությունները, Լեռնային Ղարաբաղի հիմնահարցը: Մենք բարձր ենք գնահատում Ամերիկայի Միացյալ Նահանգների, ինչպես նաև մնացած համանախագահ երկրների ջանքերը՝ միտված Լեռնային Ղարաբաղի խաղաղ կարգավորմանը»,­-«Արմենպրես»-­ի հաղորդմամբ՝ ընդգծեց Շարմազանովը:

Նա նկատեց, որ հայ­ամերիկյան հարաբերություններն ավելի լայն են, քան Լեռնային Ղարաբաղի հակամարտության խաղաղ կարգավորման հարցում ԱՄՆ­ի հետ համագործակցությունը՝ հավելելով, որ Հայաստանը շահագրգռված է ԱՄՆ­ի հետ հարաբերություններտը խորացնելու հարցում: ՀՀ Նախագահ Սերժ Սարգսյանը ՄԱԿ­ի գագաթնաժողովի շրջանակներում, Նյու Յորք կատարած այցի ընթացքում կարճատև առանձնազրույց է ունեցել ԱՄն Նախագահ Բարաք Օբամայի հետ: