Մայիսի 19-ին Երևանի ժամանակով 23:00-ին տեղի կունենա Եվրատեսիլ երգի մրցույթի առաջին կիսաեզրափակիչ փուլը, որտեղ 2-րդ համարի ներքո հանդես կգա նաև Հայաստանը: Աշխարհասփյուռ հայության ներկայացուցիչներ 5 աշխարհամասերից և Հայաստանից՝ խորհրդանշական երգով՝ Face the Shadow, հանդես կգան Եվրոպական երգի այս տոնին, որն այս տարի նաև հոբելյանական է: 60-րդ Եվրատեսիլին Հայաստանն այս տարի ներկայացնում է Geneology խումբը:

Կոչ ենք անում համայն հայությանը սատարել մեր մասնակիցներին՝ ևս մեկ անգամ աշխարհին ապացուցելով, որ հայերը միասնական են ու անկոտրում: Քվեարկելու համար անհրաժեշտ է ուղիղ եթերի ընթացքում ուղարկել հաղորդագրություն կամ կատարել զանգ այն համարներով, որոնք կհայտարարվեն մրցույթը ձեր երկրում հեռարձակող հեռուստաընկերության եթերում: