Նոր  Ջուղայի Հայոց Ազգային կրթահամալիրի «Քանանյան» իգական. դպրոցի   պատասխանատուների նախագահությամբ ապրիլի 22-ի երեկոյան   «Ալենուշ Տերյան» սրահում  կայացավ ճարտասանության  մրցույթ՝  նվիրված Հայոց ցեղասպանության 100-րդ տարելիցին: Այս մասին Իրանից (Սպահան) «Հայերն այսօրին» հայտնում է Երանուշ Թահմազեանը:

Մրցությանը մասնակցում էին   դպրոցի միջնակարգ բաժնի  9-աշակերտուհիներ, ովքեր power point –ի, պատկերների ու տեսանյութի զուգորդությամբ ներկայացրեցին  Հայոց Ցեղասպանության և Նոր Ջուղայի մասին նյութեր և ամենայն պատրաստվածությամբ պատասխանեցին հարցադրումներին: Արդյունքում, ըստ իրավարար կազմի  գնահատականների, առաջին, երկրորդ և երրորդ  տեղերը հերթաբար  զբաղեցրին՝ Շաղիկ Մատթեոսյանը, Նազե Ասատրյանը և Նարե Վարդանյանը, իսկ  աշակերտներից կազմված իրավարար կազի նշանակած գնահատականների արդյունքում  լավագույն ճանաչվեց  Լիլիեան Ասատրյանը: Մրցույթի  հաղթողները պարգևատրվեցին հուշանվերով, իսկ բոլոր մասնակիցներին հանձնվեց գնահատագրեր:

Միջոցառման ավարտին գնահատանքի խոսքերով ելոյթ ունեցան  Կրթական խորհուրդի և 100-րդ տարելիցի ոգեկոչման կենտրոնական հանձնախմբի ներկայացուցիցները:

Նշելի է, որ մայիսի 2-ին նույն առիթով դպրոցում տեղի  կունենա  գիտելիքների մրցություն՝ ծնողների մասնակցութեամբ: Կարևոր է նշել, որ Հայոց ցեղասպանությունը օտարներին ծանոթացնելու նպատակով ապրիլի 17-ին Ս. Ամենափրկիչ վանքի բակում նույն դպրոցի աշակերտության մասնակցությամբ տեղի է ունեցել work shop, որը արժանացել է իրանցի և օտարերկրյա զբոսաշրջիկների ուշադրությանը: