Ապրիլ 7-ին` ժամը 17:15-ի սահմաններուն, ՊԲ արեւելեան ուղղութեամբ տեղակայուած զօրամասերէն մէկուն պահպանութեան տեղամասի մարտական յենակէտին վրայ՝ հակառակորդին կողմէ արձակուած գնդակէն զոհուած է զինուորական ծառայող, 1995թ. ծնունդ Լեւոն Մուշեղ Միրզոյեանը: Այս մասին կը հաղորդէ ԼՂՀ ՊՆ մամուլի ծառայութիւնը։

Դէպքի մանրամասները պարզելու համար կը կատարուի քննութիւն:

ԼՂՀ պաշտպանութեան նախարարութիւնը կը կիսէ կորստեան ծանր վիշտը եւ իր զօրակացութիւնը կը յայտնէ զոհուած զինուորական ծառայողի ընտանիքի անդամներուն, հարազատներուն եւ ծառայակիցներուն: