Թուրք գանձ որոնող արկածախնդիրները որեւէ թանկարժէք իր գտնելու նպատակով թալանած ու աւերած են Անգարայի հայկական գերեզմանատունը:

Այս մասին  կը հաղորդէ «Արմէնփրէս»­ը, թրքական mulkiyehaber.net­ը հրապարակած է հայկական գերեզմանատան լուսանկարները, ուր կ’երեւին  արկածախնդիրներու վայրագութիւնները: Տարիներ առաջ հայկական գերեզմանատան տարածքը պահպանելու նպատակով այն ցանկապատուած էր, սակայն կայքի հրապարակած լուսանկարները խօսուն վկաներն են այն բանին, որ տարածքը չի պահպանուիր: Արկածախնդիրները ոչ միայն տակնուվրայ  ըրած են գերեզմանաքարերը, այլեւ ատոնց տակէն դուրս եկած ոսկորները շաղ  տուած են գետնի երեսին: Կայքը կը գրէ նաեւ, որ հայկական գերեզմանատան տարածքին մէջ շաբթուան վերջը նոյնիսկ զբօսախնճոյքներ կը կազմակերպուին: