Այս տարուան Մայիսին պատրաստ պիտի ըլլայ Սասունիկ գիւղին մէջ (Արագածոտնի մարզ) կառուցուող մանկապարտէզը: Ծրագիրը կ՛իրականացուի «Հայաստան» Հիմնադրամի Մեծ Բրիտանիոյ տեղական մարմնի եւ Սասունիկի գիւղապետարանի համաֆինանսաւորումով:

1998-էն ի վեր շուրջ 4000 բնակիչ ունեցող համայնքը մանկապարտէզի շէնք չէ ունեցած, եւ փոքրիկներուն միայն մէկ մասը հնարաւորութիւն ունի յաճախելու Աշտարակ քաղաքի մանկապարտէզ: Ոմանք ալ ժամանակաւորապէս կը յաճախեն համայնքի դպրոցին մէջ նախադպրոցական տարիքի փոքրիկներու համար նախատեսուած դասաժամերուն:

Երկյարկանի նորակառոյցը շահագործման պիտի յանձնուի ամբողջովին կահաւորուած եւ բարեկարգ բակով: