Լիբանանի սոցիալ-դեմոկրատական հնչակեան կուսակցութեան կեդրոնական կոմիտէի փոխնախագահ, Լիբանանի խորհրդարանի պատգամաւոր Սեպուհ Կալպակեան մէկ այլ պատգամաւոր Ժան Օկասապեանի հետ միասին Փետրուար 28-ին հանդիպում ունեցած են Լիբանանի վարչապետ Թամամ Սալմանի հետ, որուն ժամանակ քննարկած են երկրի ընդհանուր զարգացման, քաղաքական եւ անվտանգութեան վերաբերեալ հարցեր, որոնք նաեւ կը վերաբերին հայերուն: Այս մասին կը գրէ Artsakhpress-ը:

Massis post- ի փոխանցմամբ` հայ պատգամաւորները ընդգծած են կառավարութեան նիստերու շարունակական գումարման անհրաժեշտութիւնը, ուր կը քննարկուին օրակարգային ու քաղաքացիներու մտահոգութիւններուն
լուծումներ գտնելու հարցերը: Կալպակեան եւ Օկասապեան վարչապետին ներկայացուցած են նաեւ Հայոց ցեղասպանութեան 100-րդ տարելիցին Լիբանանի մէջ կայանալիք յիշատակի արարողութիւններու ծրագիրը: