«Անատոլու» լրատու գործակալութիւնը կը հաղորդէ, որ Թուրքիոյ խորհրդարանի նախագահ Ճեմիլ Չիչեք անգամ մը եւս մեղադրած է հայկական սփիւռքը` Միացեալ Նահանգներու մէջ Թուրքիոյ դէմ արշաւ սկսելուն համար:

«Հայկական սփիւռքը սկսած է արշաւի մը, որ կրնայ բացասաբար անդրադառնալ Թուրքիա-Միացեալ Նահանգներ յարաբերութիւններուն վրայ», ըսած է Չիչեք:

Ան խօսելով Հայոց ցեղասպանութեան մասին` անգամ մը եւս յայտարարած է, որ այս հարցին մէջ երեսփոխանները չեն կրնար հանդէս գալ իբրեւ դատարան:

«Թուրքիան պատրաստ է առերեսուելու անցեալի ցաւոտ դէպքերուն հետ, սակայն այդ իրադարձութիւններուն գնահատական պէտք է տան պատմաբանները, ոչ թէ երրորդ կողմերու խորհրդարաններն ու միջազգային դատարանները», ընդգծած է Չիչեք:

aztagdaily.com