Փոդստամի մէջ տեղի ունեցաւ գերմանացի գրականագէտ, փիլիսոփա Ռոլֆ Հոսֆելտի «Tod in der Wֆste. Der Vփlkermord an den Armeniern» («Մահ անապատին մէջ. Հայոց ցեղասպանութիւնը») գիրքի շնորհանդէսը: Այն կը պարունակէ պատմական կարեւոր տեղեկութիւններ հայերուն հանդէպ Օսմանեան Թուրքիոյ իշխանութիւններու ծրագրած անմարդկային գործողութիւններուն մասին, որոնք տեղի ունեցան 1915-ի գարնան եւ ամրան, Armeniangenocide100.org-ի փոխանցմամբ` կը յայտնէ «Կալան»:

«Տեղի ունեցաւ տեղահանութիւն, որուն իրական նպատակն էր կոտորել հայերը անապատներու ճանապարհներուն»,- հեղինակը կը մէջբերէ Թուրքիոյ մէջ Գերմանիոյ դեսպանի`1915թ.-ին արտայայտած խօսքերը: «Անապատին մէջ անոնց կը սպասէր միայն մահ. տղամարդոց, կանանց եւ երեխաներուն: Անոնք թոյլ կու տան, որ թուրքերը իրենց քշեն անապատ` մահանալու այրող արեւէն ու ծարաւէն»,- այդպէս  արտայայտուած է գերմանացի դեսպանը 1915թ.-ին Յուլիսին` Պեռլին վերադառնալէ ետք:

Գիրքին մէջ հեղինակը հարց կը բարձրացնէ` ինչպէ՞ս Օսմանեան Թուրքիան կարողացաւ ամբողջ աշխարհի քար լռութեան եւ անտարբեր հայեացքի ներքոյ իրականացնել այդ ցեղասպանութիւնը, որ առ այսօր պատմական տաբու կը հանդիսանայ այդ երկրին մէջ: Յաջորդ հարցն է, թէ ինչն էր համապատասխան պայմաններ ստեղծեց իրադարձութիւններու զարգացման եւ ոճիրը իրականացնելու համար:

Նշենք, որ գիրքի հեղինակը Potsdamer Lepsiushaus-ի`«Լեփսիուսի տան» գիտական ղեկավարն է: Բազմաթիւ փաստագրական գիրքերու եւ գիտական յօդուածներու հեղինակ Ռոլֆ Հոսֆելտը ծնած է 1948 թուականին: Իր
ստեղծագործութիւններուն մէջ կ’անդրադառնայ մշակութային եւ ժամանակակից հասարակութեան յուզող պատմական երեւոյթներուն ու հիմնախնդիրներուն: Արժանացած է տարբեր մրցանակներու: Հոսֆելտ Հայոց Ցեղասպանութեան փաստը կը հիմնաւորէ փաստաթուղթերով, գիրքեր կը հրատարակէ, կը մասնակցի գիտաժողովներու` տարածելով Հայոց Ցեղասպանութեան վերաբերեալ փաստագրական նիւթեր ու տեղեկութիւններ:

Գիրքի շնորհանդէսին բացման խօսքով հանդէս  եկած է Փարիզի պատմահետազօտական թանգարանի տնօրէն եւ Պեռլինի համալսարանի ժամանակակից պատմութեան Փրոֆէսոր Փիթեր Շեօթլեր (Peter Schփttler):