Մուսուլի Հայկական Եկեղեցին Կը Հրկիզուի

«Իսլամական պետութիւն» ահաբեկչական կազմակերպութեան զինեալները հիւսիսային Իրաք գտնուող Մուսուլ քաղաքի հայկական եկեղեցին հրկիզած են։ Այս մասին կը հաղորդէ “Արմէնփրես”-ը:
Հրկիզուածը հայկական նոր եկեղեցին է, իսկ հին եկեղեցին տակաւին կանգուն կը մնայ:
Լուրը հաստատուած է Իրաքի Հայոց թեմին կողմէ: Աղբիւրը նաեւ տեղեկացուցած է, որ նոր կառուցուած հայկական այս եկեղեցին, երկու տարի առաջ, դեռ չբացուած՝ թալանուած եւ պայթեցուած էր:
«Իսլամական պետութիւն»-ը 2014-ի Յուլիսին Մուսուլը գրաւեց եւ իբրեւ հետեւանք՝ քաղաքի հայերն ու քրիստոնեաները փախուստի դիմեցին դէպի ապահով շրջաններ։