Յարգելի՛ տիկին Տոպակպաշեան,

Պուլկարիայի «Երեւան» շաբաթաթերթի խմբագրութեան սիրելի՛ աշխատակիցներ,

ՀՀ սփիւռքի նախարարութեան եւ անձամբ իմ անունից ջերմօրէն շնորհաւորում եմ ձեզ Պուլկարիայի «Երեւան» շաբաթաթերթի հիմնադրման 70-ամեակի առթիւ:

Կարծում եմ, որ այսօր տօն է նաեւ ողջ պուլկարահայութեան համար, քանի որ 70 տարի առաջ պուլկարահայ մտաւորական մի խումբ հիմնեց մի բացառիկ լրատուամիջոց, որն անցնելով բազում դժուարութիւնների միջով, կարողացաւ ոչ միայն պահպանուել, այլեւ զարգացում ապրել եւ իր առանցաքային դերակատարութիւնն ունենալ Պուլկարիայում հայ ինքնութեան պահպանման, մայրենին տարածելու  եւ համայնքը համախմբելու ուղղութեամբ:

Մենք ուշի-ուշով հետեւում ենք շաբաթաթերթի գրեթէ բոլոր հրապարակումներին, եւ վստահաբար պէտք է նշեմ, որ «Երեւան» թերթը միշտ էլ աչքի է ընկել   հետաքրքիր ու որակեալ յօդուածներով` լայնօրէն լուսաբանելով,    թէ
Պուլկարիայի՛ հայ համայնքում, թէ՛ Հայաստանում, եւ թէ՛ տարբեր սփիւռքեան համայնքներում տեղի ունեցող կարեւոր իրադարձութիւնները:

Շնորհակալութեան իմ խօսքն եմ ուզում յղել նաեւ շաբաթաթերթի խմբագրութեան բոլոր տարիների խմբագիրներին, աշխատակիցներին եւ հովանաւորներին, որոնց անխոնջ ու հետեւողական աշխատանքների շնորհիւ թերթը գոյատեւեց եւ  ունի իր ձեռագիրը, ունի գեղեցիկ ակօսած ճամփայ:

Վստահ եմ, որ Հայոց ցեղասպանութեան 100-րդ տարելիցի նախաշեմին շաբաթաթերթի ներկայիս խմբագրակազմը շատ անելիքներ ունի` ներկայացնելու, լուսաբանելու եւ Պուլկարիայի հասարակութեան լայն շրջանակներում տարածելու   հայ   ազգի   ապրած   ողբերգութիւնը,   եւ   միաժամանակ   համոզուած եմ,   որ   ձեր
խանդավառ ու ակտիւ գործունէությամբ այդ անելիքներն ու ծրագրերը նոյնքան հետեւողականօրէն կեանքի կը կոչէք յանուն բոլորիս համընդհանուր նպատակի:

Մէկ անգամ եւս շնորհաւորում եմ ձեզ այս գեղեցիկ յոբելեանի առթիւ եւ մաղթում բոլորիդ նորանոր յաջողութիւններ, բազում ձեռքբերումներ եւ կամք` շարունակելու ձեր ազգանպաստ ու նուիրական գործը:

Յարգանքով`

ՀՐԱՆՈՅՇ ՅԱԿՈԲԵԱՆ