2014 թ. Դեկտեմբեր 7-ին Ղազախստանի Ալմաթի քաղաքին մէջ կազմակերպուած է յի­շա­տակի երեկոյ, որուն ընթացքին հայկական համայնքը իր երախտագիտութիւնը յայտնած է անոնց, որոնք Սպիտակի երկրաշարժի արհաւրալից օրերուն մեր ժողովուրդի կողքին էին եւ օգնու­թ­եան ձեռք  մեկնած են անոր: Այդ առիթով «Ղազախստանի հայերու միութիւն» հա­սա­րա­կական կազմա­կերպութեան նախագահ Է. Վարդերեսեան միջնորդութիւն կատարած է 1988 թ. Սպիտակի երկրաշարժի օրե­րուն Հայաստանի մէջ մարդասիրական օգնու­թիւն ցուցաբերելու նպատակով Ղազախ­ս­տա­նէն ժամանած բժշկա­կան գնացքի նախաձեռնողներուն եւ բուժանձնակազմի աշխոյժ ան­դամ­ներուն պարգեւա­տրելու վերաբերեալ: Խնդիրի առնչութեամբ ՍՆ ԱՊՀ հայ
համայնք­ներու վարչութիւնը խորհրդակցած էր նաեւ Ղազախստանի մէջ ՀՀ դեսպան Ա Սահակեանի հետ:

Դեկտեմբեր 6-ին Ալմաթի մեկնեց ՀՀ սփիւռքի նախարարարութեան պատուի­րակու­թիւնը` նախարարի տեղակալ Ս. Սրապիոնեանի գլխաւորութեամբ` մասնակցելու 1988 թ. Հայաստանի մէջ տեղի ունեցած մեծ ողբերգութեան` Սպիտակի     երկրաշարժի    զոհերու       յիշա­տակի         երեկոյին     եւ       պարգեւներ   յանձնելու             «Ղազախ­ս­տա­ն»  բժշկա­կան գնաց­քի աշխատակիցներուն, որոնք մէկ տարի շարունակ բուժօգնութիւն կը ցուցա­բերէին տարերային այդ աղէտի զոհ դարձած մարդոց եւ օրհասական պահուն անգնահատելի ծառայութիւն կը մատուցէին եղբայրական հայ ժողովուրդին: Պատուիրակութեան կազմին էին նաեւ ԱՊՀ հայ համայնքներուն հետ կապերու վարչութեան պետ Թ. Ներսիսեան, ԱԺ պատգամաւոր, ՀՀ վաստակաւոր արուեստագէտ Շ. Պետրոսեան, երգիչ Արսէն Գրիգորեան (Մրօ):

Ողջունելով ներկաները եւ հաղորդելով ՀՀ սփիւռքի նախարար տիկին Յակոբեանի ողջոյնի եւ բա­րե­մաղթանքներու խօսքը` Ս. Սրապիոնեան ըսաւ, որ սարսա­փելի է պատկերացնելն անգամ, թէ ինչ կը կատարուի մեր փոքրիկ մոլորակին վրայ, ե­թէ անկէ պակսին մարդասիրութիւնն ու կարեկցանքը, սրտացաւութիւնն ու
անձ­նուիրու­թ­իւնը: Հէնց մարդկային այդ բարձր առաքինութիւնները կ’առաջնորդէին Ղա­զախս­տա­նի իշխանութիւնները, «Ղազախստան» բժշկական գնացքի կազ­­մա­կեր­­պիչներուն եւ անձնակազմին, որոնք
1988 թ. երկրաշարժի արհաւրալից օրերուն ա­ռաջինը արձագանքեցին բնութեան տարերքէն պա­տուհաս­ուած մեր ժո­ղովուրդի կանչին եւ շուրջ երկու տարի աղէտի գօտիին տարաբնոյթ բարեգոր­ծական աշ­խատանքներ իրա­կանացուցին` մարդասիրական օգնութիւն ցուցա­բերելով տուժածներուն, կազմա­կերպելով սպիտակի բուժ­սպասարկումը:

«Մարդասիրութիւնն ու բարեգործութիւնը աշխարհագրական սահմաններ ու ժա­մանակ չեն ճանաչում: Եւ այսօր` 1988 թ. արհաւիրքից 26 տարի անց, մենք եկել ենք` հայ ժողովրդի անունից մեր խորին երախտագիտութիւնը յայտնելու ձեզ` օրհասական այդ օրերին մեր կողքին կանգնելու, մեր վէրքերին սպեղանի
դնելու, մեր խոցուած հոգու ցաւը մեղմելու եւ, ի վերջոյ, ձեր մեծ հոգու եւ սրտի համար: Մեր լուռ խոնարհումն ու յարգանքների հաւաստիքը ձեզ»:

Ս. Սրապիոնեան ՀՀ Նախագահի եւ ՀՀ վարչապետի շնորհակալագիրներ, Սփիւռքի նախարարութեան մետալներ, Առողջապահութեան նախարարութեան, ինչպէս նաեւ Սպի­տակի եւ Գիւմրիի քաղաքապետարան պատուոգիրներ եւ յուշանուէրներ յանձնեց «Ղազախ­ստան» բժշկական գնացքի շուրջ եւ բուժաշխա­տող­ներու 45
նախաձեռնողներուն :

Ներկաներուն ողջունեցին նաեւ Թեւոս Ներսիսեանը, Շուշան Պետրոսեանը, Ղազախ­ստա­նի տարբեր մարզերու հայկական համայնքային կառոյցներու ղեկավարները, իսկ յետոյ թեւածեց հայկական երգը, որ հիացական
բացականչութիւններով եւ ծափողջոյն­ներով ընդունուեցաւ ներկաներուն կողմէ:

«Ինծի համար մեծ պատիւ է պարգեւներ ստանալ աշխարհին Կոմիտաս եւ Ազնաւուր տուած ժողովուրդի իշխանութեան կողմէն: Ես Ձեր տաղանդաշատ ժողովուրդի լաւագոյն բարեկամն եմ»,- ըսաւ 1987-91 թթ.
Ղազախստանի ԽՍՀ առողջապա­հութեան նախարար Տալապկալի Իզմուխամբետովը:

Ներկաները իրենց խօսքին մէջ նշեցին, որ առանձնապէս ոգեւորիչ է Ալմաթիի մէջ յայտնի գործարար Էռնեստ Վարդերեսեանի ստեղծած «Մասիս» կեդրոնի շուրջ հայկական համայնքի հա­մախմբուիլը, քանի որ նմանատիպ կառոյցներու ստեղծումը կ’օգնէ ազգային մշակոյթի տարածման եւ հայ-ղազախական բարեկամութեան խորացման: Անոնք  վստահութիւն յայտնեցին, որ Ղազախստանի հայկական համայնքը այսուհետ նոյնպէս իր գիտական, մշակութային, հոգեւոր եւ կրթական ողջ ներուժը ի սպաս պիտի դնէ հայապահպանութեան գործին եւ հայ-ղազախական` պատմութեան քննութիւնը բռնած բարեկամութեան: