Դեկտեմբեր 8-ին ՀՀ սփիւռքի նախարար Հրանոյշ Յակոբեան այցելեց դիւանագիտական դպրոց, ուր հանդէս եկաւ դասախօսութեամբ:

Հրանոյշ Յակոբեան ներկայացուց Սփիւռքի նախարարութեան 6 տարիներու իրականացուցած աշխատանքները եւ ծրագիրները:

Նախարարը անդրադարձաւ ոլորտին առնչուող խնդիրներուն, ատոնց լուծման հնարաւոր հեռանկարներուն, ինչպէս նաեւ Հայկական սփիւռքին առնչուող բազում հարցերուն:

Դասախօսութեան աւարտէն ետք տեղի ունեցաւ հարց ու պատասխան` ուղղուած Հայրենիք-Սփիւռք գործակցութեան, ինչպէս նաեւ Հայոց ցեղասպանութեան 100-րդ տարելիցին ընդառաջ իրականացուող ծրագիրներուն:

Հրանոյշ Յակոբեան դիւանագիտական դպրոցին նուիրեց Սփիւռքի նախարարութեան կողմէն հրատարակուած գիրքեր: