Պոլսահայ երգչուհի Սիպիլի եւ յայտնի երգիչ Անտրէի «Սէր» կոչուող հայերէն լեզուով զուգերգին համար շաբաթներ առաջ նկարահանուած տեսահոլովակի առաջին ցուցադրութիւնը պիտի ըլլայ «CNNTurk»-ի եթերով:

Նոյեմբեր 29-ին երգչուհին պիտի հիւրընկալուի «CNNTurk»-ի յայտնի հաղորդավար Հաքան Չելիքի հաղորդման, ուր պիտի  պատմէ իր գործունէութեան մասին  ու ներկայացնէ տեսահոլովակը: Հաղորդումը կը հեռարձակուի ուղիղ եթերով, Թուրքիոյ ժամանակով առաւօտեան ժամը 10:00-ին:

Նշենք, որ Սիպիլի առաջարկով տեսահոլովակը նկարահանուած է Պոլսոյ մէջ: Տեսահոլովակին մէջ Անտրէն կը մարմնաւորէ ջուրը, իսկ Սիպիլը` կրակը: Ներկայացուած է երկու տարերքներու գեղեցիկ երկխօսութիւն:

Տեսահոլովակի նկարհանման ժամանակ երգչուհին ըսած էր-.«Տեսահոլովակը Հայաստանի մէջ կը ցուցադրուի, բայց ես կը ցանկամ, որ նաեւ Թուրքիոյ մէջ ցուցադրուի, քանի որ ես այստեղ ծնած եմ ու այստեղ կ’ապրիմ»: Այս մասին կը յայտնէ Ermenihaber.am-ը: