Երկուշաբթի, 10 Նոյեմբեր 2014-ին, Վեհափառ Հայրապետը կը ժամանէ Հայաստան: Յառաջիկայ օրերուն Ն.Ս.Օ.Տ.Տ. Գարեգին Բ. Կաթողիկոսի եւ Ն.Ս.Օ.Տ.Տ. Արամ Ա. Կաթողիկոսի նախագահութեամբ, Ս. Էջմիածինի մէջ պիտի գումարուի Հայ Առաքելական Եկեղեցւոյ Եպիսկոպոսաց Ժողովը: Յիշեալ ժողովին օրակարգի գլխաւոր նիւթերէն մէկը պիտի ըլլայ Հայոց Ցեղասպանութեան նահատակներու սրբադասումը: Այս մասին կը հաղորդէ Կիլիկիոյ կաթողիկոսութեան դիմատետրի էջը:

Յայտնենք, որ նախկին Եպիսկոպոսաց Ժողովը տեղի ունեցած էր 24-27 Սեպտեմբեր 2013-ին: Սոյն ժողովին պիտի մասնակցին Հայ Եկեղեցւոյ Նուիրապետական Աթոռներու բոլոր եպիսկոպոսները: