Ֆրանսահայ աշխարհահռչակ երաժիշտ Շարլ Ազնաւուր թրքական «Ոսկէ Սօսի» մրցանակ  ստացած է:

Թրքական Posta պարբերականի թղթակից Էրքան Օզերմանին յաջողած է Ֆրանսայի մէջ Թուրքիոյ դեսպան Հաքքը Աքիլի միջնորդութեամբ հարցազրոյց կազմակերպել Շարլ Ազնաւուրի հետ, կը գրէ News.am-ը:

Ֆրանսայի մէջ Թուրքիոյ դեսպան Հաքքը Աքիլը Շարլ Ազնաւորին  յանձնած է Թուրքիոյ Իզմիրցիներու կողմէ անոր հասցէագրուած   «Ոսկէ սօսի»   մրցանակը:   Սակայն         «Ոսկէ սօսի»          մրցանակի   պաշտօնական  յանձնման արարողութիւնը    տեղի պիտի ունենայ այսօր Պոլսոյ մէջ:

Շարլ Ազնաւուր նշած է, թէ իր իզմիրցի մայրը եթէ տեսնէր իր համաքաղաքացիներու տուած այդ մրցանակը,   շատ ուրախ պիտի ըլլար:

Թրքական պարբերականը յիշեցուցած է, որ 1924-ին Փարիզ ծնած Ազնաւուրի  մայրը   Ֆրանսա    տեղափոխուած է Թուրքիոյ Իզմիր քաղաքէն, իսկ հայրը` Վրաստանէն: