Երէկ երեկոյեան Ստեփանակերտի Վերածնունդի հրապարակին վրայ տեղի  ունեցած է սպանացի հանրայայտ օփերայի երգչուհի, ՄԱԿ-ի խաղաղութեան դեսպան Մոնսերատ Քապալիէի համերգը` «Յանուն խաղաղութեան եւ Արցախի բարգաւաճման» խորագիրով:

Համերգին ընթացքին հանրայայտ օփերայի երգչուհին դուստրը` յայտնի սոփրանօ Մոնսերատ Մարտիի հետ կատարած է նաեւ Կոմիտասի «Կռունկ» երգը: «Արցախփրէս»-ի հաղորդմամբ` ձեռնարկին ներկայ էին ԼՂՀ նախագահ Բակօ Սահակեան, Հայ Առաքելական եկեղեցւոյ Արցախի թեմի առաջնորդ Պարգեւ արքեպիսկոպոս Մարտիրոսեան, վարչապետ Արայիկ Յարութիւնեան եւ պաշտօնատար այլ անձիք: