Սեպտեմբեր 23-ին Նիւ Եորքի մէջ ՀՀ Նախագահի գլխաւորած պատուիրակութեան կազմին մէջ ՄԱԿ-ի Գլխաւոր Ասամպլէայի 69-րդ նստաշրջանի աշխատանքներուն մասնակցող Հայաստանի արտգործնախարար Էդվարդ Նալպանտեան հանդիպում ունեցաւ ԵԱՀԿ Մինսկի խումբի համանախագահներ Իգոր Պոպովի, Պիեր Անդրյոյի, Ճէյմս Ուորլիքի, ինչպէս նաեւ ԵԱՀԿ գործող նախագահի անձնական ներկայացուցիչ Անճէյ Կասպրչիկի հետ: Ապա հանդիպումը շարունակուեցաւ Ատրպէյճանի արտգործնախարար Էլմար Մամետիարովի մասնակցութեամբ։

Ինչպէս «Հայերն այսօր»-ին տեղեկացուցին ԱԳՆ լրատուական ծառայութենէն, նախարարները եւ համանախագահները շարունակեցին ղարաբաղեան հիմնախնդիրի խաղաղ հանգուցալուծման գործընթացին առնչուող հարցերու քննարկումները։

ԵԱՀԿ Մինսկի խումբի համանախագահները վերահաստատեցին Լեռնային Ղարաբաղի հիմնախնդիրի բացառապէս խաղաղ կարգաւորմանն ուղղուած միացեալ ջանքերու գործադրման վճռականութիւնը։

Քննարկուեցան Ֆրանսայի Նախագահի նախաձեռնութեամբ Փարիզի մէջ կայանալիք Հայաստանի և Ատրպէյճանի ղեկավարներու հանդիպման նախապատրաստական աշխատանքները։

Եռանախագահները տեղեկացուցին իրենց ցանկութեան մասին՝ Հոկտեմբերին այցելել տարածաշրջան։