Արևելահայերեն
Русский
EnglishՆարեկ Ա. Քհնյ. Փեհլիվանեան Նորթ Հոլիվուտի Եկեղեցւոյ Հոգեւոր Հովիւ Նշանակուեցաւ
Նարեկ Ա. քհնյ. Փեհլիվանեան նշանակուած է Նորթ Հոլիվուտի Հայաստանեայց առաքելական եկեղեցւոյ հոգեւոր հովիւ:
Նարեկ Ա. քհնյ. Փեհլիվանեան Արեւմտեան թեմին մէջ ունի շուրջ երկու տասնամեակներու ծառայութիւն։ Ան եղած է Փասատինայի Ս. Սարգիս, Մոնթեպելլոյի Ս. Խաչ եւ Օրենճ Քաունթիի Ս. Քառասնից Մանկանց եկեղեցիներու հոգեւոր հովիւը, իսկ աւելի քան մէկ տարիէ ի վեր կը ծառայէ Ազգ. առաջնորդարանին մէջ, իբրեւ առաջնորդ սրբազանին օգնական:
Նոր նշանակեալ հոգեւոր հովիւը իր աշխատանքները պիտի վարէ Ազգ. առաջնորդարանէն, Լա Քրեսենթա:
Այս առիթով, առաջնորդ Մուշեղ արք. Մարտիրոսեան, Կրօնական ժողովն ու Ազգային վարչութիւնը գնահատանք կ՛արձանագրեն Մոնթեպելլոյի Ս. Խաչ Մայր տաճարի հոգեւոր տեսուչ Միւռոն Ծ. վրդ. Ազնիկեանին, որ Նորթ Հոլիվուտի ծխական շրջանի հոգեւոր մատակարարութիւնը յանձն առած էր՝ անոր կազմութեան օրերէն սկսեալ, եւ կարեւոր ներդրում ունեցած է գաղութի կազմակերպման մէջ:
«Յաջողութիւն կը մաղթենք Նարեկ Ա. քհնյ. Փեհլիվանեանին, Նորթ Հոլիվուտի հոգեւոր հովիւի իր առաքելութեան մէջ», նշուած է Ազգ. առաջնորդարանի դիւանի հաղորդագրութեան մէջ։
