ՈՒՐՈՒԿՈՒԷՅԻ ՊԵՏԱԿԱՆ ՀԱՄԱԼՍԱՐԱՆԻ ՏՆՕՐԷՆ

ՊԱՐՈՆ ՌՈՊԵՐԹՕ ՄԱՐԳԱՐԵԱՆԻՆ
Յարգելի պարոն Մարգարեան,
Մեծ ուրախութեամբ տեղեկացանք, որ ընտրուած էք Ուրուկուէյի պետական համալսարանի տնօրէն:

ՀՀ սփիւռքի նախարարութեան եւ անձամբ իմ անունէն ի սրտէ կը շնորհաւորեմ ձեզի այդ պաշտօնին ընտրուելու առիթով: Հպարտ եմ, որ ապրելով եւ արարելով Մայր Հայրենիքէն դուրս` Ուրուկուէյի մէջ, Դուք կրցած էք կրթուիլ, խորանալ գիտութեան մէջ եւ բարձրանալ կրթական համակարգի աստիճաններով: Որպէս գիտնական, որպէս բազմաթիւ գիտական աշխատութիւններու հեղինակ` Ձեր ջանասիրութեան եւ մեծ եռանդի շնորհիւ Ձեր մասնագիտական ուղին դուք հմտօրէն  հարթած էք եւ ստացած արժանի գնահատական Ձեր գործընկերներու եւ ղեկավարներու կողմէ:

Համոզուած եմ, որ Դուք, ընտրուելով Ուրուկուէյի պետական համալսարանի տնօրէն, պիտի շարունակէք հայ-ուրուկուէյական բարեկամութեան ամրապնդման ուղղուած Ձեր ջանքերը: Վստահ եմ, որ նաեւ Ձեր օգնութեամբ առաւել պիտի զարգանայ եւ խորանայ հայրենիք-սփիւռք գործակցութիւնը:

Յարգանքով եւ լաւագոյն բարեմաղթանքներով`

ՀՐԱՆՈՅՇ ՅԱԿՈԲԵԱՆ