Հայ օփերայի երգչուհի, աշխարհահռչակ սոփրանօ Յասմիկ Պապեան ֆէյսպուքի իր էջին վրայ գրառում կատարած է, որ «Նորմա» օփերայի անդրանիկ ելոյթէն ետք,Մոնաքոյի իշխան Ալպերը ողջ երեկոյին ընթացքին հիացած խօսած է Հայաստանիպատմութեան եւ մշակոյթի մասին:

«Մոնթէ Գարլոյի մէջ, «Նորմա» օփերայի անդրանիկ ելոյթէն ետք, Մոնաքոյի Իշխան Ալպերի հետ: Ամբողջ երեկոյ ան կը խօսէր Հայաստանի պատմութեան, մշակոյթի եւ իր հայ բարեկամներուն մասին: Այնքա՜ն բան գիտէր մեր երկրի մասին… անսահման տպաւորիչ էր…»,- «Արմէնփրէս»-ի փոխանցմամբ գրած է Պապեան:

Յասմիկ Պապեան հայ օփերայի երգչուհի է, աշխարհահռչակ սոփրանօ: Ան կ’ապրի Վիեննա, Աւստրիա: Ամուսինը Քոնրատ Քուէյնն է, Միւնհէնի օփերայի եւ Աւստրիոյ պետական դրամատիկական թատրոններու թատերագիր:

armenpress.am