Ապրիլ 16-ին ԱԳՆ Էդուարդ Նալբանդեան ընդունեց ԵԱՀԿ գործող նախագահի հակամարտութիւններու հարցերով յատուկ ներկայացուցիչ Անգելօ Գնեյտինկերը:

 Նախարար Նալբանդեան եւ յատուկ ներկայացուցիչ Գնէյտինկերն անդրադարձան Զուիցերիոյ  Համադաշնութեան նախագահ, ԵԱՀԿ գործող նախագահ Տիտյէ Պուրկհալտերի` Հայաստան կատարելիք այցելութեան նախապատրաստական աշխատանքներուն:

 Զրուցակիցները գոհունակութիւն յայտնեցին ԵԱՀԿ Զուիցերիոյ նախագահութեան ծիրէն ներս հայ-զուիցերական քաղաքական երկխօսութեան բարձր մակարդակի, համակողմանի փոխգործակցութեան զարգացման գործընթացքի առիթով:

 Էդուարդ Նալբանդեանն ու Անգելօ Գնէյտինկերը միտքեր փոխանակեցին ԵԱՀԿ օրակարգային խնդիրներու, զուիցերական նախագահութեան նախաձեռնութիւններու շուրջ:

 Նախարար Նալբանդեան ներկայացուց ղարաբաղեան հիմնախնդիրի խաղաղ կարգաւորման ուղղութեամբ Հայաստանի եւ ԵԱՀԿ Մինսկի խումբի համանախագահներու կողմէ գործադրուող ջանքերը: Այս ծիրէն ներս Անգելօ Գնէյտինկերը վերահաստատեց ԵԱՀԿ զուիցերական նախագահութեան լիակատար աջակցութիւնը Մինսկի խումբի համանախագահութեան գործունէութեան:

 Հանդիպման միտքեր փոխանակուեցան տարածաշրջանային եւ միջազգային խնդիրներու, յատկապէս ուքրանական ճգնաժամի կարգաւորման ուղղութեամբ ձեռնարկուող ջանքերու շուրջ: Այս  մասին «Հայերն այսօր»-ին կը տեղեկացնեն ՀՀ ԱԳՆ մամլոյ գրասենեակէն: