Ապրիլ 13-ին Թիֆլիսի մէջ կայացաւ Red Bull BC One Caucasus Cypher 2014 մրցաշարի կովկասեան նախընտրական փուլը, որուն մասնակցեցան նաեւ հայաստանեան փուլի 7 յաղթողները` Predator-ը, Flex Feet-ը, Pollux-ը, Azo-ն, Actor-ը, Thief-ը եւ Booble-ն:

Կովկասեան նախընտրական փուլի ժիւրիի կազմին էին Neguin եւ Hong 10 աշխարհահռչակ պի-պոյները:

Թիֆլիսեան առաջնութեան յաղթող ճանչցուեցաւ վրացի Pioneer-ը, որ պիտի ցուցադրէ իր վարպետութիւնը սեպտեմբերին` Քրուաթիոյ մէջ կայանալիք կիսաեզրափակիչին, իսկ յաղթանակի պարագային ան  նոյեմբեր ամսուն պիտի մեկնի Փարիզ` Red Bull BC One 2014 եզրափակիչին մասնակցելու, ուր պիտի հաւաքուին ամբողջ աշխարհի ուժեղագոյն պի-պոյները:

Հայ պի-պոյներ Վանուշ Շահինեանը (Booble) ու Արսեն Հովհաննիսեան (Actor) Թիֆլիսեան նախընտրական փուլին մէջ գրաւեցին 3րդ հորիզոնականը:

HayNews.am