Մեր Փրկիչ Յիսուս Քրիստոսի  յաղթական մուտքը  Երուսաղէմ տօնելու առթիւ,  կիրակի՝ ապրիլի 13-ի առաւօտեան, Նոր Ջուղայի  Ս.Մինաս, Ս.Ստեփանոս, Ս.Աստւածածին եւ Ս. Յովհաննես  եկեղեցիներում  մատուցւեց  Սուրբ եւ Անմահ Պատարագ եւ կատարւեց Ծաղկազարդի թափօրի եւ Մանուկներին օրհնելու արարողակարգ: Սուրբ Մինաս եկեղեցում մատուցւած Ս.Պատարագը   նախագահեց եւ   յաւուր պատշաճի  քարոզեց Սպահանի Հայոց թեմի առաջնորդ Տ.Բաբգէն եպս. Չարեանը:

   Յատկանշելի է, որ Սուրբ Յովհաննու եկեղեցում մատուցւած Ս. Պատարագին  ներկայ էին  Նոր Ջուղայի Հայոց ազգային  «Արմէն» կրթահամալիրի տարրական եւ  մանկապարտէզ-նախակրթարան օղակների  սաները՝ իրենց  տեսչութեան, ուսուցչական կազմերի ու ծնողական խորհուրդների ընկերակցութեամբ: Ս.Պատարագից յետոյ մանուկների  եւ ժողովրդի մասնակցութեամբ կատարւեց Թափօրի արարողութիւն, եւ  աշակերտներին օրհնեց  պատարգիչ քահանայ Տ. Վազգէն Քէօշկերեանը, իսկ երեկոյեան նոյն եկեղեցում,  նախագաութեամբ թեմակալ առաջնորդի, կատարւեց Դռնբացէքի հոգեպարար արարողութիւն:

Երանուշ Թահմազեան

Իրան (Նոր Ջուղա)

Ս.Մինաս եկեղեցու լուսանկարները տրամադրել է Թովմա Գալստանեանը