Իւրաքանչիւր կիրակի Հայ Առաքելական Եկեղեցւոյ Քրիստոնէական առարկայի ծիրին մէջ Մոսկուայի «Հայորդաց տան» սաները կը ծանօթանան նաեւ մեր եկեղեցւոյ պատմութեան: Իսկ շաբաթ օրերուն Միքայէլ դպիր Փարսադանեանը անոնց կը բացատրէ  Հայ Առաքելական Եկեղեցւոյ Խորհուրդները: Այս դասընթացներուն` «Հայորդաց տան» հոգեւոր տեսուչ Տ. Առաքէլ քահանայ Ամիրեանի թոյլտուութեամբ, կրնան մասնակցիլ նաեւ անոնք, որոնք «Հայորդաց տան» սան չեն:

«Իւրաքանչիւր դասընթացքի պարդատիր երկու աղօթք կը սորվինք, իսկ թեմային ծանօթացնելէ առաջ ես նախ կը ստուգեմ լսարանի պատրաստուածութիւնը: Օրինակ, եթէ մենք պիտի խօսինք Մկրտութեան խորհուրդին մասին` նախ կը լսեմ իրենց կարծիքը, թէ ինչ կը հասկնան Մկրտութիւն ըսելով, ապա դասը կը յանգեցնէ անոր, որ ես կը ներկայացնեմ ՀԱԵ դաւանաբանութիւնը եւ կը հասնինք միակարծութեան»,- մեզի հետ զրոյցին ըսաւ  Միքայէլ Փարսադանեան:

Այս տարի դասընթացները կ’իրականացուին ռուսերէնով, քանի որ նորեկներէն  մաս մը հայերէն չեն  հասկնար: Սակայն, գոյութիւն ունին յստակ կանոններ` աղօթքները  հայերէն կը սորվին: Ատիկա սաներուն` հայերէնը աղօթքի լեզու դարձնելու հնարաւորութիւն կու տայ:

«Եթէ սանը դժուարութեամբ, բայց կը հասկնայ հայերէն, ապա հարցը կրնայ ձեւակերպել իրեն մատչելի լեզուով, սակայն պատասխանը կը հնչէ հայերէնով: Իսկ անհասկնալի բառերը կամ հայերէնով արդէն իսկ հնչած միտքը կը թարգմանեմ նաեւ ռուսերէն»,-  ըսաւ Միքայէլ Փարսադանեան:

Դասերու ժամանակ` սաներու խնդրանքով, քրիստոնէութեան միւս ճիւղերուն հետ նաեւ դաւանաբանական  զուգահեռներ կ’իրականացուին, որ Հայ Առաքելական Եկեղեցւոյ դաւանաբանութեան մասին յստակ պատկերացում կազմելու հնարաւորութիւն կու տայ:

 Հայ Առաքելական Եկեղեցւոյ Խորհուրդներուն ծանօթացող սաներէն Տաթեւ Քոչարեան  մեծ հետաքրքրութեամբ եւ սիրով կը մասնակցի դասընթացներուն, որոնց ընթացքին կը ծանօթանան նաեւ Սուրբ Պատարագի նշանակութեան: Տաթեւը համոզուած է, որ Միքայէլ դպիր Փարսադանեանի վարած դասընթացները շատ օգտակար կ’ըլլան Հայ Առաքելական Եկեղեցւոյ հաւատացեալներուն համար. «Որքան ալ որ դասընթացքի մասնակիցներու թիւը շատ ըլլայ, միեւնոյնն է այն կրնայ քիչ թուալ, քանի որ որքան շատ հայեր մասնակցին «Հայորդաց տան» մէջ իրականացուող դասընթացներուն, այնքան շատ մարդիկ մօտ կ’ըլլան եւ կը ծանօթանան  Հայ Առաքելական Սուրբ Եկեղեցւոյ խորհուրդներուն»:

Հայ Առաքելական Եկեղեցւոյ Խորհուրդներուն կարելի է ծանօթանալ իւրաքանչիւր շաբաթ օր, ժամը` 15:00-16:50, 18:00-19:50 եւ 20:00-21:30: Դասընթացները, առանց սահմանափակման, բաց են բոլոր ցանկացողներուն համար եւ անվճար են :

Արմինէ Կարեյեան, Մոսկուա