Վարչապետ Նիկոլ Փաշինեան Պաշտպանութեան նախարար Դաւիթ Տոնոյեանի եւ Զինուած ուժերու գլխաւոր բաժինի պետ Արտակ Դաւթեանի ուղեկցութեամբ այցելած է ՊՆ կեդրոնական  զինուորական հիւանդանոց:

Ինչպէս «Հայերն այսօր»-ին կը  յայտնեն ՀՀ վարչապետի մամլոյ ծառայութենէն, վարչապետը տեսակցած է հակառակորդին կողմէ արձակուած կրակոցներէն հրազէնային վիրաւորումներ ստացած զինծառայողներ Արգիշտի Սեպխանեանը եւ Աղանիկ Զօրողեանը:

Բժշկական անձնակազմը վարչապետին ներկայացուցած է զինծառայողներու առողջական վիճակն ու ապաքինման ընթացքը: Նիկոլ Փաշինեան զրուցած է զինծառայողներու եւ անոնց ծնողներուն հետ: Վարչապետը մաղթած է շուտափոյթ ապաքինում եւ շնորհակալութիւն յայտնած զինծառայողներուն անձնուէր ծառայութեան համար:

Կառավարութեան ղեկավարն այցելած է նաեւ այլ սենեակներ` առողջութիւն մաղթած բուժուող զինծառայողներուն:

Վարչապետ Փաշինեան զինուորական հիւանդանոցին մէջ  Դաւիթ Տոնոյեանի, Արտակ Դաւթեանի եւ Պաշտպանութեան նախարարի տեղակալ Մակար Ղամբարեանի մասնակցութեամբ ունեցած  է խորհրդակցութիւն: