28 ապրիլ 2019-ին, բացումը կատարուեցաւ «Հայկական մանրանակարչութեան կեդրոն» (ՀՄԿ) հիմնադրամին կողմէ կազմակերպուած  «Սիրոյ այբուբեն» բարեգործական ցուցահանդէս-վաճառքը, «Փիւնիկ» հիմնադրամի  (հասցէ` Բուզանդի 3, Վերնիսաժի հարեւանութեամբ` Գ. Նժդեհի արձանի յարակից տարածք) ցուցասրահին մէջ:

«Սիրոյ այբուբեն» ցուցահանդէսին ներկայացուած են ՀՄԿ հիմնադրամի մասնագէտներու եւ հրաւիրուած հայ հեղինակներու կողմէ ստեղծուած մանրանկարները,   կիրառական  արուեստի  նմուշները: Ցուցահանդէսին առանձին բաժինով  ներկայացուած են  հայ երեխաներու  մանրանկարչական աշխատանքները:

Ցուցահանդէսին ընթացքին այցելուները կրնան կատարել գնումներ, որմէ ձեւաւորուած հասոյթէն սոցիալական աջակցութիւն պիտի տրամադրուի «Աջակցութիւն վիրաւոր զինուորներուն  եւ զինուորական հաշմանդամներուն» ՀԿ-ին:

«Սիրոյ այբուբեն» ցուցահանդէսի գործընկերներն են Մեսրոպ Մաշտոցի անուան  մատենադարանը, «Փիւնիկ» բարեգործական հիմնադրամը, «Աջակցութիւն վիրաւոր  զինուորներուն  եւ զինուորական  հաշմանդամներուն» եւ«Հայ կամաւորներու դրամատուն»  հասրակական  կազմակերպութիւնները:

Ցուցահանդէսը պիտի տեւէ տաս օր:

Մուտքն ազատ է:

Ձեր առաջարկութիւններով կրնաք դիմել եւ լրացուցիչ տեղեկութիւններ ստանալ` զանգահարելով հետեւեալ հեռախօսահամարներուն`, 093-83-43-82, 091-42-81-60: