Ապրիլ 30-ին դեսպան Վահագն Աթաբէկեան այցելեց Սոցիալ դեմոկրատական հնչակեան կուսակցութեան (ՍԴՀԿ) լիբանանեան մասնաճիւղի գրասենեակ:

Ինչպէս «Հայերն այսօր»-ին կը յայտնեն ԱԳՆ մամլոյ ծառայութենէն, հանդիպման ընթացքին ՍԴՀԿ լիբանանեան մասնաճիւղի ատենապետ Սեպուհ Գալփաքեան ներկայացուց կուսակցութեան գործունէութիւնը, ապագայ ծրագիրները:

Իր խօսքին մէջ դեսպան Վահագն Աթաբէկեան ողջունեց կուսակցութեան երկարամեայ փորձն ու գործունէութիւնը, ընդգծեց առկայ եւ հեռանկարային ծրագիրներու կարեւորութիւնը, ինչպէս նաեւ ներկայացուց ՀՀ-ի մէջ իրականացուող ժողովրդավարական էական բարեփոխումները: