ՀՀ վարչապետ Նիկոլ Փաշինեան ըսած է, որ «մեզի համար չափազանց կարեւոր է, որ Հայաստանը դառնայ իւրաքանչիւր հայու համար ապրելու լաւագոյն տեղը»:

«Մենք ասիկա կը պատկերացնենք հետեւեալ կերպով` Հայաստանի Հանրապետութիւնը իսկապէս հնարաւորութիւններու երկիր դարձնել, որպէսզի իւրաքանչիւր ոք կարենայ իր ընդունակութիւնները, իր տաղանդը, իր հմտութիւնները իրացնել, որպէսզի իւրաքանչիւր ոք աշխատելու, վաստակելու եւ իր աշխատանքէն հաճոյք ստանալու հնարաւորութիւն ունենայ»,- ըսած է վարչապետը Սթրազպուրկի եւ մօտակայ բնակավայրերու հայ համայնքի ներկայացուցիչներու հետ հանդիպման ժամանակ:

 Անոր խօսքով` քաղաքացիին համար ամենակարեւորը ինքնազգացողութիւնն է, իր կարգավիճակի մասին պատկերացումը սեփական երկրին մէջ:

«Իսկ այն, որ այսօր Հայաստանի Հանրապետութեան քաղաքացին բարձրագոյն իշխանութիւն է եւ տէր Հայաստանի Հանրապետութեան, կը կարծեմ, ոչ ոք կը կասկածի»,- աւելցուցած է Փաշինեանը: