Հայաստանէն արտահանման ծաւալները այս տարուան առաջին տասը ամիսներուն նախորդ տարուան նոյն ժամանակի համեմատ աճած են: Այս տարի արտահանման ամենաբարձր ծաւալը արձանագրուած է Հոկտեմբերին` կազմելով 229 միլիոն 3 հազար տոլար:

«Արմէնփրես»-ի փոխանցմամբ` այս մասին կը վկայեն ՀՀ վիճակագրական կոմիտէի տուեալները:

Մասնաւորապէս, այս տարուան Մայիսին արտահանման ցուցանիշը եղած է 186 միլիոն 3 հազար տոլար, որ նախորդ տարուան նոյն ժամանակի համեմատ աւելի է 24.6 տոկոսով: Յունիսին արտահանման ցուցանիշը բարձրացած է` կազմելով 210 միլիոն տոլար, որը 2017-ի նոյն ժամանակի համեմատ աւելցած է 10.8 տոկոսով:  Այս տարուան Յուլիսի ցուցանիշը նախորդ ամսուան համեմատ քիչ մը նուազած է` կազմելով 197 միլիոն 2 հազար տոլար, սակայն նախորդ տարուան Յուլիսի համեմատ անիկա աւելի է 0.9 տոկոսով:

2018-ի Օգոստոսի արտահանման ցուցանիշը աճած է 4.8 տոկոսով: Սեպտեմբերինը՝ նուազած է 15.5 տոկոսով: Սակայն Հոկտեմբերին արտահանման ծաւալը կազմած է 229 միլիոն 3 հազար տոլար` դառնալով այս տարուան 10 ամիսներու ամենաբարձր ցուցանիշը: Անիկա նաեւ նախորդ տարուան նոյն ժամանակի համեմատ աճած է 12.1 տոկոսով: