Միացեալ Նահանգներու «Հայ Դպրոց» հիմնարկը կը տեղեկացնէ, թէ այս տարի, որ կը հանդիսանայ իր գործունէութեան 15րդ տարին, կարելի եղած է յաջողութեամբ շարունակել Հայաստանի եւ Արցախի գիւղական շրջաններու վարժարաններուն կահկարասիներ տրամադրելու աշխատանքը՝ 34 ծրագիրներ ամբողջացնելով, որոնց շնորհիւ աշակերտները աւելի լաւ պայմաններու մէջ կրթութիւն պիտի ստանան։

2003էն ի վեր, շնորհիւ կազմակերպութեան նուիրատուներուն տրամադրած առաւել քան մէկ միլիոն տոլարի աջակցութեան, «Հայ Դպրոց»ը օգտնութեան հասած է մօտաւորապէս 26,000 աշակերտներու եւ 325 վաժարաններու։

Այս տուեալներով, 2018 տարեշրջանը հանդիսացած է հիմնարկի գործունէութեան ամէնէն արդիւնաբեր տարիներէն մէկը, շնորհիւ Հայաստանէն եւ Սփիւռքէն նուիրատուութեանց եւ «Թամպերչի» հիմնարկէն յատկացուած առատաձեռն նուէրին, որ տրամադրուեցաւ յաջորդական չորրորդ տարին ըլլալով:

«Հայ Դպրոց» հիմնարկին գործունէութեան 15րդ ամեակին առիթով՝ 17 Մարտին տեղի ունեցած էր շքեղ տօնակատարութիւն մը, մասնակցութեամբ բարձրաստիճան կրօնական եւ քաղաքական ղեկավարներու, իսկ անոր ընթացքին մեծարուած է «Թամպերչի» հիմնարկէն Թոնի Թամպերչին, յուշանուէր մը ստանալով «Հայ Դպրոց» հիմնարկի վարչութեան ատենապետուհի Մոնէ Տէր Գրիգորեան:

Մարդասիրական սպասարկութիւններ մատուցող այս կազմակերպութիւնը այս տարուան ընթացքին դպրոցական 840 նստարան-գրասեղաններ հասցուցած է Հայաստան եւ Արցախ, ինչպէս նաեւ ուսուցիչներու յատուկ 178ական գրասեղաններ եւ աթոռներ ու 218 գրատախտակներ, 40 գրադարաններ, վերարկուներու 174 պահարաններ եւ մանկապարտէզի աշակերտներու յատուկ 26 նստարան-գրասեղաններ:

Յատկաշնական է, որ նուիրուած կահկարասիները արտադրուած են Հայաստանի Արմաւիր մարզին մէջ։

Վերոնշեալները յանձնուած են հետեւեալ վարժարաններուն.

– Նոր Հաճընի երկրորդական վարժարան, Կոտայքի մարզ.

– «Սվերդոլվ» երկրորդական վարժարան, Լոռի.

– Եղվարդի երկրորդական վարժարան, Սիւնիք.

– Սուրէնաւան երկրորդական վարժարան, Արարատ.

– Բաղանիսի երկրորդական վարժարան, Տաւուշ.

– Կողբի թիւ 2 երկրորդական վարժարան, Տաւուշ.

– Տաթեւի երկրորդական վարժարան, Սիւնիք.

– Տոլորսի երկրորդական վարժարան, Սիւնիք.

– Նորաշէնի երկրորդական վարժարան, Տաւուշ.

– Նավուրի երկրորդական վարժարան, Տաւուշ.

– Հացաւանի երկրորդական վարժարան, Սիւնիք.

– Տեղի մանկամսուր, Սիւնիք.

– Կոթիի մանկամսուր, Տաւուշ.

– Զարի նախակրթարան-միջնակարգ, Շահումեան.

– Նոր Էրքէջի երկրորդական վարժարան, Շահումեան.

– Դադիվանքի երկրորդական վարժարան, Շահումեան.

– Հովսատաղի նախակրթարան-միջնակարգ վարժարան, Շահումեան.

– Զվարի երկրորդական վարժարան, Շահումեան.

– Չարեքտարի երկրորդական վարժարան, Շահումեան.

– Լանջաբլուրի երկրորդական վարժարան, Գեղարգունիք.

– Աղիտուի նախակրթարան-միջնակարգ վարժարան, Սիւնիք.

– Գանձաքարի երկրորդական վարժարան, Տաւուշ.

– Գորիսի թիւ 3 երկրորդական վարժարան, Սիւնիք.

– Դարպասի երկրորդական վարժարան, Սիւնիք.

– Արտաշաւանի երկրորդական վարժարան, Արագածոտն.

– Արեւածագի երկրորդական վարժարան, Լոռի.

– Բազմաղբիւրի երկրորդական վարժարան, Արագածոտն.

– Գառնի-Բանաւանի նախակրթարան-միջնակարգ վարժարան, Կոտայք.

– Գեղակերտի մանկամասուր, Արմաւիր.

– Աղրլիճի մանկամասուր, Լոռի.

– Ծաղկաբեր մանկամասուր, Լոռի.

– Արմաւիրի Երեխայի զարգացման կեդրոն, Արմաւիր.

– Գիւմրիի թիւ 21 նախակրթարան-միջնակարգ վարժարան, Շիրակ.

– Հայրենեացի երկրորդական վարժարան, Շիրակ։

Յաւելեալ տեղեկութեանց կամ նուիրատուութիւններ կատարելու համար, կարելի է դիմել հիմնարկին՝ (747) 240-0055 թիւով եւ info@armeniaschoolfoundation.org հասցէով, կամ այցելել

www.armeniaschoolfoundation.org կայքը: