Հալէպի մէջ սկսած են վերականգնել քաղաքի գլխաւոր տեսարժան վայրերէն մէկը` միջնադարեան միջնաբերդը: Վերջին տարիներուն այն եղած է կառավարական զօրքերու հիմնական յենակէտը: Ահաբեկիչներն ամէն օր ծանր հրետանիով հարուածած են միջնաբերդի ուղղութեամբ:   Ճարտարապետական յուշարձանը կանգուն է մնացել, բայց պատերազմի ժամանակ այն  վերածուած է աղբանոցի:

Ըստ ՆՏՎ-ի , ուսանողները սկսած են քաղաքի գլխաւոր խորհրդանիշը  մաքրելու գործընթացը:

Ռիա նովոստին կը գրէ, որ ուսանողներն իրենց նախաձեռնութեամբ  սկսած են մաքրման աշխատանքները: «Պատմական վայրի մաքրումը  ամենաքիչն է, ինչ մենք կրնանք ընել մեր հարազատ քաղաքին համար»,- ըսած է ուսանողներէն մէկը:

Բացի միջնաբերդէն, անոնք մտադիր են մաքրման աշխատանքներ իրականցնել նաեւ փողոցներուն մէջ:

Միաժամանակ միջնաբերդին մէջ կը շարունակուի վերանորոգման աշխատանքները: Սուրիական իշխանութիւնները կը ցանկան այն աւարտել 2019 թուականին:  Սուրիական իշխանութիւններն իրենք կ՛իրականացնեն ամրոցի վերանորոգումը` սպասելով ԵՈՒՆԵՍՔՕ-ի օգնութեան: Միջնաբերդն ընդգրկուած է համաշխարհային ժառանգութեան  իրերու ցանկին մէջ: