Հանրապետութեան նախագահ Արմէն Սարգսեան այսօր ընդունած է Թեհրանի Հայոց թեմի առաջնորդ գերաշնորհ տէր Սեպուհ արքեպիսկոպոս Սարգիսեանը:

Ինչպէս «Հայերն այսօր»-ին կը յայտնեն ՀՀ նախագահի մամլոյ ծառայութենէն, Սրբազան հայրը Հանրապետութեան նախագահին փոխանցած է Մեծի Տանն Կիլիկիոյ կաթողիկոսութեան ազգային կեդրոնական վարչութեան հրաւէրը` մասնակցելու Ն.Ս.Օ.Տ.Տ. Մեծի Տանն Կիլիկիոյ Արամ Ա կաթողիկոսի ձեռնադրութեան 50-ամեակին առթիւ Անթիլիասի Մայրավանքի Ս. Գրիգոր Լուսաւորիչ Մայր տաճարին մէջ մատուցուելիք սուրբ եւ անմահ պատարագին:

Պատարագին հրաւիրուած են նաեւ Լիբանանի Հանրապետութեան նախագահ Միշէլ Աունը, Լիբանանի պետական եւ քաղաքական գործիչներ: