Սքութ տիւ Լիպանի հովանաւորութեամբ Սէն Ժոզէֆ դպրոցի ակումբին մէջ, իւրաքանչիւր չորս տարին անգամ մը կայացող Բարիկամեցողութեան խաղերը(Goodwill Games), ընդհանրապէս   ծանօթ են  իբրեւ սկաուտական աշխարհի  Ողիմպիական խաղերը:

Սքութ տի Լիպանի անդամ հարիւրաւոր սկաուտական եւ երէցական խումբեր կը մասնակցին Սէն Ժոզէֆ դպրոցի կազմակերպած  Բարիկամեցողութեան Խաղերուն: Մօտաւորապէս 4000 սկաուտներ  մասնակցեցան Բարիկամեցողութեան եօթներորդ խաղերուն:

ՀԵԸ Անդրանիկ Անթիլիաս  բաւական լուրջ  նախապատրաստութիւններ տեսաւ  2018-ի Բարիկամեցողութեան  եօթներորդ խաղերուն:

Բարիկամեցողութեան Խաղերը տեղի կ’ունենան  տարիքային համեմատութեամբ եւ կ’ընդգրկեն տարբեր մարզաձեւեր:

Բարիկամեցողութեան Խաղերու  եզրափակիչներէն առաջ կայացան  զտման հանգրուանի մրցումները:

Բարիկամեցողութեան Խաղերու եզրափակիչները տեղի ունեցան 1-5 Օգոստոս 2018-ին, Սէն Ժոզէֆի  Ըրնէթ  Շահուանի մարզադաշտերուն  մէջ:

ՀԵԸ Անդրանիկ Անթիլիասի սկաուտները  հասան  ֆութպոլի, գունդի, պասքեթպոլի, ձեռնագնդակի, վոլիպոլի  եզրափակիչներուն: Երէցները՝   ֆութպոլի, սեղանի թենիսի, ոստումի, հեծելարշաւի եւ  պասքեթպոլի  եզրափակիչներուն:

ՀԵԸ Անդրանիկ Անթիլիասի սկաուտները եւ երէցները նաեւ մասնակցեցան անհատական մրցումներուն՝ սեղանի թենիս, ձեռնագնդակ, «Շոթ Փութ», վազք, հեծանիւ, ոստում, լողարշաւ եւ այլն:

ՀԵԸ Անդրանիկ Անթիլիասի սկաուտները եւ երէցները նուաճեցին 13  մետալ ( երեք խմբային՝ մէկ ոսկի, երկու՝ արծաթ) եւ տասը անհատական (մէկ ոսկի, չորս՝ արծաթ եւ հինգ պրոնզ):

Մրցումներուն ընթացքին ՀԵԸ Անդրանիկ Անթիլիասը ներկայացնող տղաքը ցուցաբերեցին մարզավայել ոգի, արժանանալով կազմակերպիչներուն  եւ  մարզասէրներուն  ջերմ  գնահատանքին:

Ստորեւ,  ՀԵԸ Անդրանիկ Անթիլիասի  արձանագրած  թեքնիք արդիւնքները:

ՍԿԱՈՒՏՆԵՐ

 -Պասքեթպոլ՝  ոսկի  մետալ

– Գունդ՝ ոսկի մետալ ( Եղբայր  Ուիլիամ Քուզեան)

– Ձեռնագնդակ՝  արծաթէ  մետալ

-«Շոթ Փութ»՝ արծաթէ  մետալ ( Եղբայր Ռաֆֆի  Ճըրճըրեան)

-Լողարշաւ՝ արծաթէ մետալ ( Եղբայր  Հայկ  Քայմաքամեան)

– Սեղանի Թենիս՝ պրոնզ  մետալ՝ ( Եղբայր Աբօ  Մեսըրլեան)

– Զոյգերու Սեղանի Թենիս՝ պրոնզ մետալ ( Եղբայրներ Աբօ  Մեսըրլեան եւ  Էնտրու   Քուզեան)

– 100  մեթր վազք՝ պրոնզ  մետալ ( Եղբայր  Հրակ  Ներսէսեան)

-400  մեթր Վազք՝  պրոնզ  մետալ ( Եղբայր  Ուիլիամ  Քուզեան)

 ԵՐԷՑՆԵՐ

-Ֆութպոլ՝ արծաթ  մետալ

-Սեղանի  Թենիս՝ արծաթ  մետալ (Եղբայր  Սերժ  Քոճապապեան)

 -Ոստում՝  արծաթ  մետալ ( Եղբայր  Սերժ  Թիւթիւնճեան)

 Հեծելարշաւ՝  պրոնզ մետալ (Եղբայր  Հրաչ Գույումճեան)

Մեր  ջերմագոյն  շնորհաւորութիւնները ՀԵԸ Անդրանիկ  Անթիլիասի սկաուտական  խումբին, գլխաւորութեամբ խմբապետ՝  Եղիկ  Աւետիքեանին, փոխ խմբապետներուն, անդամներուն, այս փայլուն արդիւնքներուն առիթով:

  Գնահատանքի խօսք ՀԵԸ Անդրանիկ Անթիլիասի  Գործադիր  Մարմինին եւ սկաուտական  վարչութեան՝  հետեւողական  աշխատանքներուն եւ հոգատարութեան համար:

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ