Հայապահպանութեան գործունէութիւն ծաւալելու, հայեցի դաստիարակման լաւագոյն միջոցը կրթամշակութային համալիրների ստեղծումն է: ՀՀ սփիւռքի նախարարութիւնը մեծ ոգեւորութեամբ է օժանդակում հայրենիքի սահմաններից դուրս գտնուող կրթական համալիրներին: Մարտի 4 ին ՀՀ Սփիւռքի նախարարութեան Մոսկուայի ներկայացուցիչները այցելեցին Մոսկուայի թիւ 1371 դպրոց, որտեղ նրանց ընդունեցին մեծ խանդավառութեամբ: Նախարարի խորհրդական Ռ. Գասպարեանը պատուոգիր յանձնեց 1371 դպրոցի տնօրէնին`Ի. Գրիցային` նրա կատարած աշխատանքի եւ աջակցութեան համար: Դպրոցին կից գործող հայկական եռօրեայ դպրոցի տնօրէն Ն.Մխիթարեանը հանդէս եկաւ շնորհակալական իր խօսքով ուղղուած Սփիւռքի նախարարութեանը,վերջինիս աջակցութեան համար, յատկապէս դասագրքերի տրամադրման համար: Քննարկուեցին մի շարք հարցեր կրթական համալիրների ընդլայնման վերաբերեալ:

Կից ներկայացնում ենք կարճ տեղեկութիւն դպրոցի մասին

Մոսկուայի թիւ 1371 հանրակրթական դպրոցին կից գործող հայկական եռօրեայ դպրոցի գործունէութիւնը 2004-2011 թթ.

Դպրոցը բացուել է 2004-2005 ուս. Տարուայ սեպտեմբեր ամսին`որպէս հայ-ռուսական բարեկամութեան եւ պատմութեան խմբակ, որտեղ ծնեղների դիմումների համաձայն երեխաները կարող են հայերէն սովորել: Դա հնարաւորութիւն էր տալիս ոչ միայն տարածել հայոց լեզուն եւ գրականութիւնը հայկական շրջաններում,այլեւ ակտիւօրէն քարոզել եւ ներկայացնել մեր պատմութիւնը եւ արուեստը ամբողջ դպրոցի համակարգում: Լոյս ընծայուեցին պատի թերթեր` “ Հայ ժողովրդական տարազը”:

Նման ցուցադրութիւն կազմակերպուեց դպրոցի Ժողովուրդների Բարեկամութեան Թանգարանում:

2005 թ. Մարտին դպրոցը ընդգրկուեց Ռուսաստանի Հայերի Միութեան կազմում եւ միաւորուեց թիւ 389 հանրակրթական դպոցի հետ: Երկու դպրեցում էլ դասաւանդում էր Նունէ Մխիթարեանը: Սակայն 2006-2007 ուս. Տարուայ համար 389 դպրոցի տնօրէնը հրաժարուեց համաձայնագիր կնքել, յարկ եղաւ միաւորել երկու դպրոցները,եւ երեխաներին տեղափոխել 1371 դպրոց: Նոյն տարուայ մարտին Ռհմն դադարեցրեց դպրոցի ֆինանսաւորորմը:

1371 դպրոցի տնօրէնի` տիկին Իննա Լուովնայ Գրիցայի ջանքերի շնորհիւ դպրոցը ոչ միայն չդադարեցրեց, այլեւ աւելի ընդլայնեց իր գործունէութեան շրջանակները` իր դռները  բացելով ողջ վարչական շրջանի երեխաների համար:
Դպրոցը ակտիւօրէն մասնակցում է բոլոր այն դպրոցական միջոցառումներին,որոնք ուղղուած են ազգամիջեան խնդիրների լուսաբանմանն ու լուծմանը, օտարավախութիւնը, այլատեացութիւնը արմատախիլ անելուն: Բայց առաջնային խնդիրը,ի հարկէ մնում էր մայրենի լեզուի, գրականութեան եւ պատմութեան ուսուցումը:

2010թ ի փետրուարի 16 ին դպրոցի երեխաները ներկայացրեցին մեր լեզուն եւ մեր խօսքը ԵՕՆԵՍԿՕ –ի կազմակերպած համամոսկովեան հանդէսում` “իմ մայրենի լեզուն” եւ մասնակցի սերտիֆիկատ ստացան:

Դպրոցը արժանացել է բազմաթիւ պատուոգրերի եւ գովասանագրերի: