Ժողովուրդին կողմէ սիրուած 365 երգ` խօսքերու եւ մեղեդիներու ճշգրիտ շարադրանքով ու ատոնք ուղղորդող նուագակցութեամբ.լոյս  տեսած է «Ազգային երգարան.365 երգ» ժողովածուն: Երգարանը բծախնդիր ու սիրով կատարուած աշխատանքի արդիւնք է եւ կը ներառէ հայ երգի գրեթէ բոլոր ժամանակաշրջաններն ու տարատեսակները` խմբուած ըստ բնոյթի, ժանրի, թեմատիկ նիւթի, հեղինակի եւ այլն:

Հեղինակն արդէն 27 երգարաններու կազմող, մշակութային գործիչ Սամուէլ Հարոյեանն է, որ վստահ է, որ տունը, ուր երգարաններ չկան, նման է հոգիէ զուրկ մարմնի, եւ հայ մարդուն համար երգարաններն առանձնայատուկ նշանակութիւն ունին:

«Բազմաթիւ տարիներ զբաղուելով հայ երգով` հասկանում ես, թէ ինչքան կարեւոր է այն հայ մարդու համար: Հայ երգը մարդկանց սրտերն իրար կապող կամուրջ է, կամուրջ, որը կապում է տարբեր սերունդների: Մենք այդ երգերի միջով իմանում ենք հայ մարդու, նրա կենցաղի մասին: Այս գործը շարունակուելու է, մենք անընդհատ մատուցելու ենք ձեզ ճշմարիտ հայ երգը»,-գիրքի շնորհանդէսի ընթացքին նշեց Սամուէլ Հարոյեան:

Երգարանը լոյս  ընծայած է «Էդիթ Պրինտ» հրատարակչութիւնը: Հրատարակչութեան հիմնադիր-տնօրէն Մկրտիչ Կարապետեանը շնորհաւորեց ներկաները գիրքի հրատարակման առթիւ: «Մեզ, իրօք, պէտք էր ազգային երգարան, որ երբեք չէ հրատարկուած: Երգարանը պէտք է ըլլար գեղեցիկ, յարմար: Թող բոլորիս տան մէջ ըլլայ  այս երգարանը, եւ թող բոլորը երգեն այս երգերը»,-նշեց ան:

Երեկոյի ընթացքին հանդիսատեսին ներկայացուեցան «Ազգային երգարան.365 երգ»-ին մէջ  տեղ գտած երգերէ բաղկացած գեղեցիկ համարներ:

Նշենք, որ երգարանի հիմնական նպատակն է` նոր կեանք հաղորդել ներառուած երգերուն թէ՛ բեմերու վրայ եւ թէ՛ երգասէրներու ամենատարբեր միջավայրերուն մէջ` կենցաղին,այլազան առիթներու ժամանակ բաւարարելով տարբեր ճաշակի երգասէրներու պահանջները: