14/05/2018   Աշխարհ   No comments

Վրաստանի ՄԷջ Պատահարի Հետեւանքով Տուժած Են ՀՀ Քաղաքացիներ

Մայիս 13-ին ժամը 22:24-ի սահմաններուն Մցխեթա-Թիֆլիս ճանապարհին` Մցխեթա  քաղաքին մօտ տեղի  ունեցած է ճանապարհային պատահար. իրար  բախուած են «Mercedes» եւ «Nissan» մակնիշի մեքենաներ:

Ինչպէս «Հայերն այսօր»-ին կը յայտնեն Վրաստանի մէջ ՀՀ դեսպանութեան մամլոյ ծառայութենէն, պատահարի հետեւանքով տուժած են ՀՀ քաղաքացիներ Մայիս Կարոյեանը (1978թ.) եւ Անոյշ Դալալեանը (1977թ.): Վերջիններս տարբեր աստիճանի մարմնական վնասուածքներով  տեղափոխուած են  Մցխեթայի քաղաքային հիւանդանոց:

Կը յայտնենք, որ Մայիս Կարոյեանը արդէն դուրս գրուած է հիւանդանոցէն, իսկ Անոյշ Դալալեանին այս պահուն կը վիրահատեն:

Վրաստանի մէջ ՀՀ դեսպանութիւնը մշտական կապ կը պահպանէ բժիշկներուն հետ եւ տուժողի առողջական վիճակի վերաբերեալ կը տրամադրէ յաւելեալ տեղեկատուութիւն:

No related posts.

Scroll Up