Թուրքիոյ հարաւարեւելեան Մարտին նահանգի Տերիք շրջանի միակ հայկական եկեղեցին մնացած է հարեւանութեամբ ապրող Հաթուն Չաչուր անունով  իսլամ կնոջ (ազգութեամբ քիւրտ-խմբ-ermenihaber.am) խնամքին:

1650 թուականին կառուցուած Սուրբ Գէորգ եկեղեցին մնացած է առանց հօտի, երբ 1980-ականներուն հեռացած են Տերիքի մէջ ապրող վերջին հայերը: Անցած տասնամեակներուն եկեղեցւոյ մասին հոգ  տարած է այստեղ մնացած միակ հայկական ընտանիքը` Եուրշալին եւ Նաիֆ Տէմիրճի զոյգը: Բայց հիմա արդէն այդ տարեց զոյգը վատառողջութեան պատճառով կը դժուարանայ տունէն դուրս գալու` չկարենալով հոգալ եկեղեցւոյ մասին:

Այժմ իսլամ կինը  ստանձնած է հայկական եկեղեցւոյ խնամքը: Ան նոյնպէս տարեց է եւ 8 երեխաներու մայր: Ան իր մօտ կը պահէ եկեղեցւոյ բանալին, կը մաքրէ եկեղեցւոյ ներսը եւ բակը, կը ջրէ 1500 ք/մ ընդհանուր մակերեսով այգիին ծառերը:

«Պետութիւնը ինծի որեւէ աշխատավարձ չի տար, ոեւէ մէկը չօգներ: Ես ալ տարիքով մեծ եմ, հիւանդ եմ, բայց չեմ ուզեր, որ այս եկեղեցին մնայ բախտի քմահաճոյքին»,- ermenihaber.am-ի փոխանցմամբ` ըսած է Չաչուրը: