Մօր սիրտը մարդկութեան սիրտն է, տիեզերքի սիրտը: Հէնց միայն մայր ունենալու համար արժէ աշխարհ գալ:

Չորեքշաբթի, 21 Մարտ 2018ին, Քուէյթի Ազգային Վարժարանը արժանաւոր կերպով նշեց աշխարհի ամենաթանկագին էակին՝ բոլորիս կեանք պարգեւող արարածին՝ Մօր տօնը, ուր աշակերտներու անմեղ շրթներէն հնչեցին սրտի խօսքեր, ներկայացուեցան արտասանութիւններ ու խմբերգներ, որոնք արտայայտեցին անոնց սէրն ու կապուածութիւնը իրենց մայրերուն նկատմամբ։