ՀՀ Մշակոյթի նախարարութեան, Պորիս Էյֆմանի պարի ակադեմիայի, Իկոր Մոիսէեւի անուան դպրոց-արուեստանոցի, Մանկական առաջին էսդրատային կեդրոնի, մայրաքաղաքային ժիւրիի, լրատուամիջոցներու ներկայացուցիչներու աջակցութեամբ` 2018 Մարտ 24-27, Յ. Պարոնեանի անուան երաժշտական կատակերգական պետական թատերասրահին մէջ տեղի պիտի ունենայ «Կլոպալ ֆէսթ Երեւան» արուեստի  II միջազգային մրցոյթ-փառատօնը: Այս մասին կը հաղորդէ ՀՀ մշակոյթի նախարարութիւնը։

Տարուան ընթացքին՝ մրցոյթ-փառատօնին ծիրէն ներս պիտի իրականացուին ընտրական փուլեր` Ս. Փեթերսպուրկի (ՌԴ), Թալլինի (Էսթոնիա) եւ այլ քաղաքներու մէջ: Բոլոր մրցոյթներուն համար պատուոգիրերէն, բաժակներէն եւ նուէրներէն բացի, խրախուսման կարգով նախատեսուած է նաեւ մրցանակային դրամական պարգեւատրում:

«Կլոպալ ֆէսթ Երեւան» մրցոյթ-փառատօնի իրականացման օրակարգը. 2018 Մարտ 24-ին` այլ քաղաքներէ աշխատակազմերու ժամանում, քաղաքի տեսարժան վայրերով պտոյտներ, մրցոյթի բացում:

Մարտ 25-ին, «պարարուեստ» ուղղութեան մրցութային դիտումներ: Ժիւրիի եւ ղեկավարներու կլոր սեղան: Մարտ 26-ին, «վոկալ» ուղղութեան մրցութային լսումներ: Կալա-համերգ, պարգեւատրման հանդիսաւոր արարողութիւն եւ փակում: Մարտ 27-ին, մասնակիցներու մեկնում:

Մրցոյթ-փառատօնին մասնակցութեան եւ լրացուցիչ տեղեկութիւններու համար կրնաք դիմել «Կլոպալ Ֆէսթ» միջազգային մրցոյթ-փառատօնի հայաստանեան ներկայացուցչութիւն` Աննա Պօղոսեանին /հեռ. (099) 34-44-99, (055) 33-44-95/: