Արևելահայերեն
Русский
EnglishՀայաստանի Նախագահը Հանդիպած է Փարիզի Քաղաքապետին Հետ
Փարիզի քաղաքապետ Անն Իտալկոն հանդիպում ունեցած է Հայաստանի նախագահ Սերժ Սարգսեանի հետ: Այս մասին Փարիզի քաղաքապետը յայտնած է է իր պլոկին մէջ:
«Ինծի համար պատիւ է քաղաքապետարանին մէջ ընդունիլ Հայաստանի Հանրապետութեան նախագահ Սերժ Սարգսեանը»,- գրած է ան:
Յիշեցնենք, որ Հայաստանի նախագահ Սերժ Սարգսեան աշխատանքային այցով կը գտնուի Փարիզ: ՀՀ նախագահը Յունուար 23-ին հանդիպում պիտի ունենայ Ֆրանսայի նախագահ Էմանուէլ Մաքրոնի հետ, որմէ ետք պիտի կայանայ համատեղ մամուլի ասուլիսը: Իսկ այսօր կը նախատեսուի նաեւ ՀՀ նախագահի հանդիպումը Ծերակոյտի ղեկավար Ժերար Լարշէի հետ:
Յունուար 24-ին Սթրասպուրկի մէջ Հայաստանի նախագահը պիտի մասնակցի Եւրոպայի խորհուրդի խորհրդարանական վեհաժողովի (ԵԽԽՎ) ձմեռնային նստաշրջանին, ուր հանդէս պիտի գայ ելոյթով եւ պիտի պատասխանէ պատգամաւորներուն հետաքրքրող հարցերուն: Սերժ Սարգսեանը հանդիպումներ պիտի ունենայ նաեւ Եւրոպայի խորհուրդի գլխաւոր քարտուղար Թորպիորն Եակլանտի, Մարդու իրաւունքներու եւրոպական դատարանի (ՄԻԵԴ) նախագահ Կիտօ Ռայմոնտիի, «Ժողովրդավարութիւն` իրաւունքի միջոցով» եւրոպական յանձնաժողովի (Վենետիկի յանձնաժողով) նախագահ Ճաննի Պուքիքիոյի եւ ԵԽԽՎ նորընտիր նախագահին հետ:
