Հայ լեռնագնաց, արշաւորդուհի Թելմա Ալթունի նախաձեռնութեամբ այսօր Շահումեանի շրջանի Ծար համայնքի 7 երեխայ հեծանիւներ նուէր ստացան:

Այս մասին «Արցախփրես»-ին  տեղեկացուցին ԱՀ մշակոյթի, երիտասարդութեան հարցերու եւ զբօսաշրջութեան նախարարութենէն:

Աղբիւրի փոխանցմամբ` նախաձեռնութիւնը նպատակ ունի նպաստել Արցախի մէջ արկածային ու արշաւային զբօսաշրջութեան զարգացման:

Ծրագիրի իրականացման աջակցած են Հայ լեռնագնացներու միութիւնը եւ ԱՀ մշակոյթի, երիտասարդութեան հարցերու եւ զբօսաշրջութեան նախարարութիւնը:

2017 թուականի մայիսին «Ճանապարհ» արշաւային երթուղով անցնելով շուրջ 280 քիլոմեթր` Թելմա Ալթուն Հայաստանէն հասաւ Արցախ:

Հայազգի արշաւորդուհիի նախաձեռնութեան հիմնական առաքելութիւնը դրամահաւաքի կազմակերպումն էր «Համահայկական Արշաւային Երթուղի» նախագիծին համար, որուն գլխաւոր նպատակն է Հայաստանի  եւ Արցախի մէջ զարգացնել արկածային, արշաւային զբօսաշրջութեան ենթակառուցուածքները, գծանշել, քարտէզագրել Հայաստանի բոլոր արշաւային երթուղիներն ու ստեղծել ատոնք պատկերող առցանց քարտէզ մը: