Արժանթինի Սան Լուիս նահանգը ընդունած է օրէնք, որով Ապրիլ 24-ը կը հռչակուի իբրեւ «Ժողովուրդներու միջեւ հանդուրժողականութեան եւ յարգանքի օր»` ի յիշատակ Հայոց Ցեղասպանութեան: Այդպիսով, Սան Լուիս դարձաւ Արժանթինի 20-րդ նահանգը, որ ընդունոց  նման օրէնք:

Սան Լուիսի խորհրդարանը միաձայնօրէն քուէարկած է Հայոց Ցեղասպանութիւնը պաշտօնապէս ճանչցող օրէնքի օգտին, իր համերաշխութիւնը յայտնած հայ համայնքին, ինչպէս նաեւ պատրաստակամութիւն ցուցաբերած` նահանգային մակարդակով իրականացնել յիշատակի ձեռնարկները:

Արժանթինի  Հայ դատի յանձնախումբի տնօրէն Նիքոլաս Սապունճեան ողջունած է օրէնքի ընդունումը` նշելով, որ այդ օրէնքով վաւերցուած է այն համաձայնութիւնը, որ Հայկական հարցի նկատմամբ գոյութիւն ունի տարածաշրջանային, ազգային եւ դաշնային մակարդակի վրայ: