Արցախի մէջ Նոյեմբեր 4-ին հազրահապատային նռնակի պայթումին հետեւանքով վիրաւորուած զինծառայող Սերկէյ Սեւատայի Ալումեանի վիճակը կը շարունակէ մնալ ծայրայեղ ծանր: Ան Երեւանի Կեդրոնական զինուորական հիւանդանոց տեղափոխուած է,- ըստ «Արմենփրես»-ի՝  ըսած է Պատպանութեաննախարարութեան մամուլի խօսնակ Արծրուն Յովհաննիսեան:

Արցախի մէջ Նոյեմբեր 4-ին հազրահապատային նռնակի պայթումին հետեւանքով վիրաւորուած երկրորդ զինծառայող Գէորգ Վլատիսլաւի Հիւսնունցի առողջական վիճակի մասին տեղեկատուութիւն չէ տրուած: Ան Արցախի զինուորական հիւանդանոցին մէջ կը գտնուի:

Արցախի Հանրապետութեան պաշտպանութեան նախարարութեան մամուլի ծառայութեան տրամադրած տեղեկատուութեան համաձայն` Արցախի մէջ Նոյեմբեր 4-ին հազրահապատային նռնակի պայթումին հետեւանքով զոհուած է ՊԲ զինծառայող, 1997-ի ծնունդ Հրանդ Խաչատուրի Մանգասարեանը: Գէորգ Վլատիսլաւի Հիւսնունցը եւ Սերկէյ Սեւատայի Ալումեանը ստացած էին տարբեր աստիճանի բեկորային վէրքեր:

Երրորդ կայազօրային քննչական բաժնին մէջ ՀՀ քրէական օրէնսգիրքի 376-րդ յօդուածի 2-րդ մասով պայթիւնի հետեւանքով զոհուած ժամկետային զինծառայող, շարքային Հրանդ Մանգասարեանի մահուան, եւս երկու զինծառայողներու վիրաւորուելու դէպքին առթիւ յարուցուած է քրէական գործ։

Կը ձեռնարկուին անհրաժեշտ քննչական գործողութիւններ` դէպքին բոլոր հանգամանքները պարզելու ուղղութեամբ: