Նախագահ Սերժ Սարգսեան Հնդկաստանի Հանրապետութեան վարչապետ Նարենտրա Մոտիի հրաւէրով այսօր աշխատանքային այցով կը մեկնի Հնդկաստան:

Ինչպէս «Հայերն այսօր»-ին կը յայտնեն ՀՀ Նախագահի մամլոյ ծառայութենէն, այցի ծիրէն ներս Նախագահը հանդիպումներ կ’ունենայ երկրի բարձրագոյն ղեկավարութեան` վարչապետ Նարենտրա Մոտիի, նախագահ Ռամ Նաթ Քովինտի եւ փոխնախագահ Վենկայա Նայտուի հետ: Հանրապետութեան Նախագահը կը մասնակցի «Համաշխարհային պարէն. Հնդկաստան-2017» համաժողովի լիագումար նիստին եւ ատոր ծիրէն ներս նախատեսուած նոյն խորագիրով միջազգային սննդարդիւնաբերութեան ցուցահանդէսի բացման հանդիսաւոր արարողութեան:

Սերժ Սարգսեան հանդիպում կ’ունենայ նաեւ Հնդկաստանի հայ համայնքի ներկայացուցիչներուն հետ: