Նորաստեղծ երեւանեան «Արցախ» ֆութպոլային ակումբը համալրուած է առաջին օտարերկրացի ֆութպոլիստով: Հայաստանի Առաջին լիկային հանդէս եկող խումբին հետ կէս տարուան պայմանագիր կնքած է ուքրանացի ձախ պաշտպան Եկոր Լուկովոյը, որ հանդէս պիտի գայ 33 համարի մարզաշապիկով, կը հաղորդէ «Արցախ»-ի մամուլի ծառայութիւնը:

22-ամեայ Լուկովոյը հանդէս եկած է Խարկովի «Մետալիստ»-ի, Քիեւի «Տինամօ»-ի, Տոնեցկի «Մետալուրգ»-ի, Տնեպրոձերժինսկի «Ստալ»-ի պատանեկան եւ երիտասարդական խումբիերուն մէջ: Անոր նախորդ ակումբը եղած է«Սումին»: