Մայր հայրենիքը այցելելու եւ անոր տեսարժան վայրերը վայելելու տենչով, այս օրերուն, ծնողքին հետ միասին,  Հայաստան կը գտնուի Իրաքահայ համայնքի երիտասարդ  արուեստագէտներէն` գեղանկարիչ օրիորդ Արմինէ Սարգիսեան: Ան վերջի երեք տարիներուն ընթացքին, իր իւրայատուկ նկարչութեան ոճով,  գրաւեց շուրջիններու ու յատկապէս համալսարանի տնօրէնութեան ուշադրութիւնը, ու մասնակցեցաւ քանի մը ցուցահանդէսներու:

Արմինէն`  Քէրքուք քաղաքի, Գիտութեան համալսարանի համակարգչային գիտութեան բաժանմունքի երրորդ շրջանի ուսանողուհի  է, ան կը համարուի համալսարանի լաւագոյն ուսանողուհիներէն մէկը: Թէեւ ան ունի զանազան բնոյթի գծագրութիւններ, սակայն   հիմնականին մէջ դիմնակարներ կը սիրէ, որոնք կը ստեղծագործէ    ջրաներկով, փասթիլով, իւղաներկով եւ կրաֆիթով:

Երիտասարդ գեղանկարչուհիին կը մաղթենք փայլուն ապագայ մաղթելով, որ ան իր ներդրումը կը բերէ նաեւ  Մայր հայրենիքի մէջ կազմակերպուելիք զանազան նկարչական ցուցահանդէսներու:

Արամ Քէթէնճեան

«Հայերն այսօր»