ՀՀ սփիւռքի եւ մշակոյթի նախարարութիւններու բարձր հովանաւորութեամբ եւ Լիբանանի մէջ ՀՀ դեսպանութեան հետ համագործակցութեամբ` «Թէքէեան» մշակութային միութեան Լիբանանի շրջանային վարչութիւնը յուլիս 6-ին, ժամը` 18:00-ին, Երեւանի «Առնօ Բաբաջանեան» համերգասրահին մէջ կը կազմակերպէ «Հայկական երաժշտութիւնը լիբանանեան կատարմամբ» խորագիրով համերգ` 9 արաբ եւ 1 հայ պատանի երաժիշտներու մասնակցութեամբ:

Համերգին ընթացքին երաժիշտներուն կատարմամբ կը հնչեն հայ մեծանուն երգահաններու` Կոմիտասի, Ա. Խաչատրեանի, Ա. Բաբաջանեանի, Է. Յովհաննիսեանի եւ այլոց ստեղծագործութիւնները: