Թուրքիոյ խորհրդարանի քեմալական Հանրապետական ժողովրդական կուսակցութենէն ընտրուած հայ պատգամաւոր Սելինա Տողան պոլսոյ Հայոց պատրիարքարանին մէջ այցելած է պատրիարքական տեղապահ Գարեգին արքեպիսկոպոս Պեքճեանին: Այս մասին Տողան յայտնած է իր ֆէյսպուքեան էջին մէջ:

«Տեղապահի պաշտօնը ստանձնած Սրբազան Գարեգին արքեպիսկոպոս Պեքճեանին շնորհաւորեցի` այցելելով անոր: Քննարկումներ ունեցանք օրակարգային զարգացումներու շուրջ: Կը ցանկամ, որ պատրիարքի ընտրութիւնը մեր երկրին ու համայնքին համար բարի ըլլայ»,- նշած է Տողան:

Պոլսոյ Հայոց պատրիարքարանի եկեղեցական ընդհանուր ժողովը Յունիս 28-ին որոշում կայացուցած է դադրեցնել Արամ արքեպիսկոպոս Աթէշեանի լիազօրութիւնները իբրեւ պատրիարքական փոխանորդ: