Գերմանական մամուլը անդրադարձած է Չեմպիոններու լիկայի խմբային փուլի «Պորուսիա»-«Նափոլի» խաղին եւ Հենրիխ Մխիթարեանի իւրօրինակ ելոյթին:

«Հայ ֆութպոլիստը ցուցադրեց իր լաւագոյն խաղերէն մէկը, որ երբեւէ ունեցած է «Պորուսիա»-ի մէջ: Գնդակի արագ մշակում, յարձակումներու վստահ եզրափակում, կարելի է հասկնալ, թէ ինչու  «Պորուսիա»-ն այսքան գումար վճարած է անոր համար: Մխիթարեանը կը կախարդէ»,- «Արմէնփրէս»-ի հաղորդմամբ` կը գրէ Ruhrnachrishten պարբերականը:

«Այսօր Մխիթարեանի աշխատանքը աւելի արդիւնաւէտ է:
Մեկնարկային վայրկեաններուն ան հրաշալի անցումներ կատարեց»,- կը գրէ Der Western հանդէսը:

Գերմանական մէկ այլ յայտնի պարբերական`«Spiegel»-ը, կը գրէ. «Յատկապէս Մխիթարեանը եւ Պլաշիկովսկին հանդիպման ընթացքին շատ ստեղծագործ եւ հնարամիտ ֆութպոլ ցուցադրեցին»:

Չեմպիոններու լիկայի խմբային փուլի «Պորուսիա»-«Նափոլի» հանդիպումը աւարտեց 3-1 հաշուով` յօգուտ տորտմունտցիներու: Հենրիխ Մխիթարեանը մասնակցեցաւ ամբողջ հանդիպման:

http://armenpress.am